Qazaqstan Respýblıkasy Investısııalar jáne damý mınıstrliginiń buıryǵy № 494

2015 jylǵy 28 sáýir, Astana qalasy Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalaryn bekitý týraly «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń 7-baby 1-tarmaǵynyń 16) tarmaqshasyna sáıkes buıyramyn: 1. Qosa berilip otyrǵan Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrligi Baılanys, aqparattandyrý jáne aqparat komıteti (S.S. Sarsenov): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin 10 jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıctrine júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á. Isekeshev. Qazaqstan Respýblıkasy Investısııalar jáne damý mınıstriniń 2015 jylǵy 28 sáýirdegi № 494 buıryǵymen bekitilgen Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalary Jalpy erejeler 1. Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalary (budan ári – Qaǵıdalar) «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń 7-baby 1-tarmaǵynyń 16) tarmaqshasyna sáıkes ázirlendi jáne  teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs (budan ári – konkýrs) ótkizý tártibin aıqyndaıdy. 2. Tele-, radıokompanııalardyń konkýrsqa qatysýǵa úmitkerlerdiń (budan ári – úmitkerler) ótinimderin qaraý jáne jeńimpazdardy aıqyndaý jóninde usynymdar ázirleý Teleradıo habarlaryn taratýdy damytý máseleleri jónindegi komıssııa (budan ári – Komıssııa) júzege asyrady. 2. Konkýrsty ótkizý tártibi 3. Komıssııanyń jumys organy bolyp tabylatyn ýákiletti organ konkýrsty ótkizýdiń uıymdastyrýshysy retinde áreket etedi. 4. Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalar tizbesin (budan ári – tizbe) qalyptastyrý kóp arnaly habar taratýdyń ortasyna (sıfrlyq efırli, spýtnıktik teleradıo habarlaryn taratý) baılanysty júzege asyrylady. 5. Konkýrsty ótkizý týraly sheshimdi ýákiletti organ qabyldaıdy. 6. Konkýrsty ótkizý týraly aqparattyq habarlama onyń ótkizilýine keminde kúntizbelik jıyrma kún qalǵanda buqaralyq aqparat quraldarynda jáne Qazaqstan Respýblıkasy Investısııalar jáne damý mınıstrliginiń www.mid.gov.kz ınternet-resýrsynda jarııalanady. 7. Aqparattyq habarlama mynadaı málimetterdi qamtıdy: 1) konkýrsty ótkizý ýaqyty, kúni men orny; 2) eldi mekenderdiń (aýmaǵy) ataýy kórsetilgen radıotelevızııalyq stansııalar týraly málimetter; 3) osy Qaǵıdalardyń 1 qosymshada kózdelgen nysanǵa teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesine qosýǵa ótinimderdi (budan ári – ótinim) qabyldaý orny jáne ótinimderdi qabyldaýdy bastaý men aıaqtaý merzimderi. 8. Úmitker ótinimi sáıkes kelmegen jaǵdaıda, osy Qaǵıdalardyń 2 qosymshasynda kózdelgen úmitkerlerdiń konkýrstyq usynystaryn (budan ári - konkýrstyq usynystar) usynbaǵan jaǵdaıda konkýrsqa qatysýǵa jiberilmeıdi. 9. Úmitkerdiń konkýrsqa qatysýǵa bergen ótinimi onyń osy Qaǵıdalarda belgilengen jáne konkýrsty ótkizý týraly aqparattyq habarlamada jarııalanǵan sharttarda konkýrsqa qatysýǵa nıetin bildiredi. 10. Tirkelgen ótinim keri qaıtarylyp alynǵan jaǵdaıda, úmitker uıymdastyrýshyǵa jazbasha túrde habarlama jiberedi. 11. Konkýrsqa qatysýǵa ótinim berýdi úmitkerdiń atynan áreket etýge onyń quqyǵyn kýálandyratyn tıisinshe rásimdelgen senimhatty kórsetý arqyly úmitkerdiń ókili júzege asyrady. 12. Konkýrs ótkizý týraly aqparattyq habarlamada kórsetilgen ótinimder qabyldaý merzimi aıaqtalǵannan keıin konkýrsqa qatysýǵa kelip túsken ótinimder jáne konkýrstyq usynystar qabyldanbaıdy. Sebepterin kórsete otyryp, ótinimdi qabyldaýdan bas tartý týraly belgini qujat qabyldaýdy júzege asyratyn tulǵa usynylǵan ótinimge qoıady. 13. Uıymdastyrýshy úmitkerlerdiń konkýrsqa qatysýǵa usynǵan ótinimderi men olarǵa qosa berilgen konkýrstyq usynystar, sondaı-aq ótinim bergen tulǵalar men olar usynǵan qujattardyń mazmuny týraly qupııalylyqtyń saqtalýyn qamtamasyz etý jóninde sharalar qabyldaıdy. 14. О́tinimder jáne konkýrstyq usynystar tigilgen, betteri nómirlengen jáne sońǵy beti onyń qolymen jáne mórimen (jeke tulǵa úshin, eger bolsa) kýálandyrylǵan túrde mór basylǵan konvertte uıymdastyrýshynyń mekenjaıyna usynylady. 15. Komıssııa konkýrsty ótkizý týraly aqparattyq baǵdarlamada kórsetilgen merzimde jáne orynda úmitkerler men olardyń ókilderiniń qatysýymen ótinimder salynǵan konvertterdi ashady. 16. Uıymdastyrýshy konvertterdi ashý hattamasyn bes jumys kúni ishinde jasaıdy. Konvertterdi ashý hattamasyna Komıssııa tóraǵasy, qatysyp otyrǵan músheleri jáne hatshysy qol qoıady. 17. Komıssııa usynylǵan ótinimderdi qarap, konvert ashylǵan kúnnen bastap on jumys kúninen aspaıtyn merzimde konkýrs qorytyndysyn shyǵarady. 18. Úmitkerdiń jáne /nemese/ onyń ýákiletti ókiliniń Komıssııa otyrystaryna qatyspaýy sebebinen konkýrstyq ótinim qaıtarýǵa jol berilmeıdi. 19. Konkýrs boıynsha sheshimder ashyq daýys berý arqyly qabyldanady jáne qatysqan Komıssııa músheleriniń jalpy sanynan kópshilik daýys bergende qabyldanatyn bolyp esepteledi. Daýystar teń bolǵan jaǵdaıda tóraǵalyq etýshiniń daýsy sheshýshi bolyp esepteledi. Komıssııa sheshim qabyldaıtyn kezde Hatshynyń daýys berýge quqyǵy joq. 20. Taqyryptyq baǵyty men janrlyq araqatynasy, menshikti tele-, radıobaǵdarlamalarynyń, satyp alynatyn tele-, radıobaǵdarlamalar men retranslıasııanyń kólemi, memlekettik tilde habar taratý kólemi, ortasha táýliktik habar taratý ýaqyty, kadrlyq áleýeti jeńimpazdardy anyqtaý kezindegi irikteý krıterııleri bolyp tabylady. 21. Konkýrs qorytyndysy Komıssııa tóraǵasy men músheleri qol qoıǵan hattamamen resimdeledi. Konkýrs qorytyndylary týraly aqparattyq habarlama eki jumys kúni ishinde Qazaqstan Respýblıkasy Investısııalar jáne damý mınıstrliginiń www.mid.gov.kz ınternet-resýrsynda jarııalanady. Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalaryna 1-qosymsha Nysan Qazaqstan Respýblıkasy Teleradıo habarlaryn taratýdy damytý máseleleri jónindegi komıssııanyń tóraǵasyna Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesine qosýǵa О́tinim Jalpy málimetter: 1. Zańdy tulǵanyń tolyq ataýy / jeke tulǵanyń T.A.Á.A. _______________________________________________________________ 2. Zańdy mekenjaıy: _______________________________________________________________ 3. Telefon, faks nómirleri: _______________________________________________________________ 4. Tele-, radıoarnanyń ataýy: _______________________________________________________________ 5. Taqyryptyq baǵyty: _______________________________________________________________ 6. Taratý aýmaǵy: _______________________________________________________________ 7. Kóparnaly habar taratý ortasy (sıfrlyq efırli/spýtnıktik): _______________________________________________________________ Birinshi basshynyń/ dara kásipkerdiń qoly MO 20__ j. «___»___________ (bar bolǵan jaǵdaıda) Teleradıo habarlaryn taratýdyń ulttyq operatory taratatyn erkin qoljetimdi tele-, radıoarnalardyń tizbesin qalyptastyrý boıynsha konkýrs ótkizý qaǵıdalaryna 2-qosymsha Úmitkerlerdiń konkýrstyq usynystary Úmitkerlerdiń konkýrstyq usynystary mynadaı bólimderdi qamtýy tıis: Shyǵarmashylyq usynystar Úmitker mynalardy usynady: tele-, radıoarnalny taratý tory (kelesi aıǵa); myna málimetterden turatyn aqparat: 1) tele-, radıoarnanyń taqyryptyq baǵyty men olardyń janrlyq araqatynasy (aqparattyq, taldamalyq, pýblısıstıkalyq, jastarǵa jáne balalarǵa arnalǵan, mýzykalyq tele-, radıobaǵdarlamalar men kórkem, derekti fılmder); 2) habar taratýdyń tildik araqatynasy, memlekettik tildegi tele-, radıobaǵdarlamalardy translıasııalaý ýaqyty; 3) menshikti tele-, radıobaǵdarlamalardyń, satyp alynatyn tele-, radıobaǵdarlamalar men retraslıasııanyń araqatynasy; 4) ortasha táýliktik taratý ýaqyty; 5) shyǵarmashylyq jáne tehnıkalyq jumyskerlerdiń sandyq mándegi kadrlyq áleýeti. Tehnıkalyq usynystar Úmitker mynalardy usynady: tele-, radıobaǵdarlamalar óndirisiniń stasıonarlyq stýdııalyq jabdyǵynyń bolýy, jaı-kúıi jáne túri týraly aqparat; apparattyq-stýdııalyq keshenniń tehnıkalyq sıpattamalary; dybysy men beınesiniń sapasy joǵary tele-, radıobaǵdarlamalarda efırge berý jónindegi mindetteme; stýdııalyq keshenniń ornalasqan jeri, tele-, radıoarnany ulttyq operatordyń jelisine deıin berý tásili týraly aqparat; sıgnaldyń (tele-, radıoarnanyń) ulttyq operatordyń jelisine deıin jetýin qamtamasyz etý jónindegi mindetteme. Qarjylyq usynystar tólem qabilettiligin rastaıtyn qujattar: 1) bank nemese bank fılıaly aldynda anyqtama berilgen kúnnen buryn úsh aıdan astam merzimi ótken beresheginiń bolmaýy týraly qol qoıylǵan jáne mór basylǵan bank nemese bank fılıaly anyqtamasynyń túpnusqasy; 2) birinshi basshy nemese ony almastyratyn tulǵa qol qoıǵan sońǵy qarjy jylyndaǵy býhgalterlik teńgerimniń túpnusqasy nemese notarıaldy kýálandyrylǵan kóshirmesi; tehnıkalyq qyzmet kórsetýge, shtatty ustaýǵa jáne basqa da kapıtaldyq salymdardyń jalpy shyǵyndaryn kórsetý. Úmitker óziniń pikiri boıynsha Komıssııaǵa konkýrstyq usynysty barynsha obektıvti túrde baǵalaýǵa múmkindik beretin, konkýrstyń máni boıynsha kez kelgen málimeti bar qosymsha qujattardy usyna alady. Buıryq Qazaqstan Respýblıkasynyń Ádilet mınıstrliginde 2015jylǵy 4 maýsymdaǵy Normatıvtik quqyqtyq kesimderdi memlekettik tirkeýdiń tizilimine № 11272 bolyp engizildi.